Tom Cruise var invitert til å delta på premieren, men hadde ikkje anledning til å delta. Noko han kanskje angra på i ettertid.
Torsdag kveld delte han bilete frå utekinoen på Preikestolen, på sin private instagramkonto med over to millionar følgarar.
– Eg skulle ønske eg var der, skriv han under blide.
1800 tilskodarar såg i natt den spektakulære noregspremieren av «Mission: Impossible – Fallout» på fjellplatået Preikestolen i Rogaland.
Innlegget har til no over hundre tusen "likes" og 1600 kommentarar.
– Er dette ekte, skriv ein av dei som kommentert.
– Dette er episk, melder ein annan.
Samstundes delte han også bilete på Facebook.
Suksess i England
MI6-stjerna er ikkje den einaste som er imponert over arrangementet i Lysefjorden.
Norsk reiselivsbransje fauk inn fleire internasjonale medium til Preikestolen til premieren, og no gjev det resultat.
Daily Mirror som er blant Storbritannias største tabloidaviser publiserte i dag ein lengre artikkel om kinoopplevinga.
– Me snakkar mørkeblått vatn, pulserande grøne bakkar og fjell som utgjer det omfattande landskapet. Preikestolen ligge så høgt at den gjev inntrykk av at publikum omtrent sat midt i skyene. Me trudde ikkje me fekk til å fokusera på filmen i ein så spektakulær setting, skriv Daily Mirror.
Dagleg leiar i Stiftelsen Preikestolen, Helge Kjellevold, seier at noregspremieren på Preikestolen er ein gest til lokalsamfunnet.
– Dette er eit ikkje-kommersielt arrangement, og ein fin avslutning på «Mission: Impossible 6»-innspelinga, fortel han.
Rett etter klokka to i natt var filmvisninga ferdig, og publikum tok fatt på turen ned frå fjellet.