Kongeparet etter hektisk fylkesturné: – Helsa? Den har eg ikkje tenkt på

– Helsa? Den har eg ikkje tenkt på, da må eg kjenna etter. Nei da, det har gått fint, seier kongen til NTB under pressekonferanse i Vindafjord.

– Det gir energi å sjå at vi har det norske folket i ryggen.

– Så nedtrappinga til kongen blir det ikkje noko av?

– I alle fall ikkje i dag, seier kongen på spørsmålet frå NRK, og ler.

Kongeparet er på fylkestur i Agder og Rogaland, og har dei siste dagane besøkt Randaberg, Lund, Åseral og Froland.

Slik samanfattar kongen turneen:

– Eg imponert over det vi har fått høyre og sjå av framføringar, men eg set også pris på det store frammøtet. Det har vore fullt av folk alle stader.

Også dronninga har late seg begeistre.

– Det er 17. mai på 17. mai. Verkeleg. Det er heilt imponerande. Eg blir veldig rørt, faktisk.

• I Lund fekk kongen seg ei hyggeleg overrasking. Bilen han fekk i 21-årsgåve hadde blitt restaurert av ein veteranbilklubb. Etterpå samanlikna han bilen med eiga helse. Les kva han sa her.

Torsdag har turen kome til siste stoppestad på denne fylkesturen. Besøket går til Ølen i Vindafjord kommune nord i Rogaland.

Ifølgje ordførar Ole Johan Vierdal er det venta mellom tre til fem tusen personar som skal koma for å mellom anna høyre kongen tala.

Her kan du sjå heile kongebesøket i Vindafjord:

Har besøkt 97 prosent av alle kommunane

Etter besøket i Vindafjord har kongeparet besøkt 346 av 357 kommunar i Noreg. Dermed står berre elleve att (sjå kart). Målet er å koma seg rundt til alle.

Her kan du sjå nokre bilde frå fylkesturen i Agder og Rogaland.