230 nye til Bjergsted
I Bjergsted i Stavanger er også nye studenthyblar klare for innflytting, og 230 studentar skal inn hit dei neste vekene. Allereie har nokon etablert seg på dei nye romma sine, og tilbakemeldingane er gode.
– Det har vore kjempekjekt. Det er fine bustadar og greitt med fellesrom, seier studenten Marianne Østebø.
- LES OGSÅ:
Vil ha løn for strevet
– Stavanger har låg dekningsgrad når det gjeld studentbustadar. Det er dette prosjektet med å auka. Det er viktig å få til fleire studentbustadar. Sjølv om det i år truleg er mykje lettare å få bustad på leigemarknaden enn før, så er det ikkje sikkert den situasjonen varar i mange år framover, seier ordførar Christine Sagen Helgø (H).
- LES OGSÅ:
Stavanger har frigjort tomter i sentrum, på Madla og Ullandhaug, og dei brukar pengar frå eiga kommunekasse. Men Stavanger-ordføraren vil gjerne at kunnskapsministeren gir dei løn for å satsa, og spør etter pengar frå staten.
– No må pengane liggja på bordet når studentbustadane er ferdig planlagde, slik at det ikkje skal vera opp til kommunen sin økonomi om ein får på plass studentbustadane. Mi melding til kunnskapsministeren at me må få til ei betre og meir føreseieleg løysing for studentbustadar, og at me må få auka talet bustadar, særleg i dei store byane der det er vanskelegast å få seg ein plass å bu, seier Sagen Helgø.