Ingen fylke i landet har betre ledigheitstal enn Rogaland. Slik har det lenge vore og slik er det framleis.
Likevel går nå talet på folk utan arbeid også opp i Rogaland, syner nye tal frå Nav. Frå mai i fjor, til mai i år, har ledigheita auka med heile 5 prosent i fylket. Noko som vil sei at 1,7 prosent av innbyggarane her er utan jobb, landssnittet ligg på 2,5 prosent.
Les også:
Dermed er det kanskje noko paradoksalt at fleire offentlege og private bedrifter i same region melder om alvorlege rekrutteringsproblem. Årsaka er at det behovet for arbeidskraft med låg eller manglande utdanning er fråverande.
–Slit med å skaffe kvalifisert arbeidskraft
Av dei som treng høgt utdanna arbeidarar er behovet langt større.
– Sjølv om rekrutteringsutfordringane samla sett er mindre enn i oppgangsperioden frå 2006 til våren 2008, så visar NAV si bedriftsundersøking at ei rekkje private og offentlege verksemder i Rogaland fortsatt slit med å skaffe kvalifisert arbeidskraft, seier fylkesdirektør Truls Nordahl.
Om lag tusen bedrifter har svart på undersøkinga. Og det er innan helse og omsorg- samt ingeniør og ikt-fag at etterspurnaden etter arbeidskraft er størst.
Problemet er at bedriftene ikkje får fatt i nok kvalifisert arbeidskraft.
Les også:
Les også:
Undersøkinga til NAV viser at 20 prosent av alle bedriftene og verksemdene i Rogaland dei siste tre månadene har gjort eit eller fleire mislykka forsøk på å rekruttera nye medarbeidarar, eller har tilsett personar med lågare kompetanse en ønskeleg. Til saman gjeld dette ca. 5000 stillingar.
Mangler ingeniører, men og folk i offentleg sektor
Av alle fylka i Norge er det Rogaland som i faktiske tal har størst problem med å skaffa nok arbeidskraft.
– Dette må i stor grad sjåast i samanheng med det store behovet for ingeniørar i olje og gass-sektoren og i leverandørindustrien. Samstundes viser dei faktiske tala store rekrutteringsutfordringar også i offentleg sektor, fortel fylkesdirektør Truls Nordahl.
Behovet for arbeidskraft er spesialisert, og dermed snevrar ein inn. Behovet for låg eller manglande utdanning er ikkje stor.
– Høge bustadpriser gjer det vankeleg å rekruttere
Fleire bedrifter meiner at dei høge bustadprisane i regionen er ein hemsko når det kjem til å få tilsetja nok folk.
Les også:
Les også:
– Det uroar meg at 13 prosent av bedriftene og verksemdene i Stavangerregionen (fra Hå kommune til Finnøy kommune) gir oss tilbakemelding om at personar som har vore interessert i arbeid opplever at høge bustadpriser gjer det vanskelegare å etablera seg i regionen, seier Nordahl.
Regionsdirektør for NHO i Rogaland, Hallvard Ween, meiner bustadproblemet er kritisk.
– Me går glipp av god arbeidskraft. Eg tenker spesielt på at me må ha heile spekteret av folk til regionen, i alle arbeidsgrupper. Med Ryfast og Rogfast vil me få eit utvida regionsbegrep. Dette vil løysa ein del, men det er framleis nokre år til dette skjer, seier Ween.