Det blir ikkje val i Nord-Irland i desember
Britiske styresmakter har avgjort at det ikkje blir val i Nord-Irland i desember eller tidlegare. Eit nyval må haldast innan midten av januar.
Britanes Nord-Irland-minister Chris Heaton-Harris, seier han skal informere Parlamentet i neste veke.
Nord-Irland har ikkje hatt ei ordinær regjering sidan provinsvalet i mai, der Sinn Fein blei det største partiet og DUP blei nest størst.
Usemje om Nord-Irland-protokollen, som er ein del av brexitavtalen mellom Storbritannia og EU, er årsaka til den fastlåste politiske situasjonen.
