Partiet vedtok på siste dagen av landsmøtet i Kristiansand å redusere talet på elevar per lærar i forhold til i dag.
Eit forslag frå nestleiar Dagrun Eriksen om å redusere talet frå 28 i dag til 20, vart droppa då ein i salen byrja rekne på kva det ville koste.
Etter dette var det vedteke ein reduksjon utan å talfeste det nærare.
LES OGSÅ:
I ei fråsegn frå landsmøtet heiter det at Arbeidarpartiet og SV sin heildagsskule ikkje er svaret på dette. KrF vil leggje større vekt på å rekruttere og halde på gode lærarar.
- Vi vil prioritere meir tid mellom lærar og elev, heiter det i fråsegna frå partiet.
Partiet vil også gjeninnføre valfag i ungdomsskulen.
Miljøvenlege bilar
KrF vil støtte dei som kjøper miljøvenlege bilar med 25.000 krner. Det kan kome til å koste 300 millionar kroner i året, har partiet funne ut. Dette skal gjelde dei som kjøper el- og gassdrivne bilar, men også miljøvenlege diesel- og bensinbilane.
Kravet er at bilane må sleppe ut mindre enn 120 gram CO2. Forslaget vil bli fremja for Stortinget.
Partiet vil dreie skatte- og avgiftssystemet i grønare retning etter prinsippet om at forureinaren betalar.
KrF vil også arbeidet for at det innan 2020 ikkje lenger skal produserast bilar som går på fossilt drivstoff.
I partiprogrammet heiter det at partiet vil oppretthalde høge avgifter på drifstoff, og å gå inn for auka produksjon av biodrivstoff.
Nordisk samarbeid
KrF går inn for tettare nordisk samrbeid om forsvarsoppgåver, tryggleik og krisehandtering. Landsmøtet vedtok ein politikk på dette feltet som er i tråd med forslaget Thorvald Stoltenberg leverte til dei nordiske utanriksministrane i februar.
I forslaget til Stoltenberg blir det blant anna foreslått ein felles nordisk innsatsstyrke for militær og sivil stabilisering, samrbeid om luft- og havovervaking, felles katastrofe-eining og nettverk mot digitale angrep,