Det er byråkratane i helseforetaka som bør ha mest å seie for styringa av sjukehusa, og ikkje politikarane. Det meiner over halvparten av dei spurde i ei undersøking gjort for NRK Brennpunkt.
54 prosent vil at leiinga i helseforetaka bør ha størst innflytelse på styringa av sjukehusa. 32 prosent meiner politikarane bør ha størst innflytelse.
– Kan ikkje sjukehusdrift
Dette er synspunkt som er henta frå Ålesund:
– Byråkratane driv jo med dette, det gjer ikkje politikarane, seier ein.
– Er du politikar, så har du greie på statsvitskap, politikk og siviløkonomi. Du har ikkje peiling på korleis eit sjukehus faktisk blir drive, seier ei anna.
Folk i byen er omgitte av sjukehuskonfliktar. Nord for byen
om sjukehusplassering, og i sør for akutt- og fødetilbod.- Les:
– Ansiktslause byråkratar
Slik det er no, har byråkratar og styremedlemmer i helseforetaka mykje makt over budsjett, investeringar, nedleggingar og samanslåingar.
Demonstrasjonar mot forslag for sjukehusnedleggingar har gjort at politikarar frå fleire parti har ønskt å ta meir kontroll over sjukehusa igjen.
Bent Høie frå Høgre har sagt det slik:
– Det er avgjerder som vi ikkje kan overlate til det som eg meiner, heilt oppriktig, er ansiktslause byråkratar, som er tilsette i ein foretaksmodell.
– Politikarane er for langt borte
Også regjeringspartia har tenkt i dei banar.
– Vi bør syte for at vi får enda betre politisk styring på det som skjer i helsevesenet, sa helsepolitikar i Arbeidarpartiet, Tore Hagebakken, i vinter.
Tilbake i Ålesund møter dei motbør frå folk.
– Det vi ser, er at politikarane er altfor langt borte. Eg trur ikkje dei er klare over kva det er som går føre seg, seier ei.
– Det er berre å sjå på den sjukehusstriden som har vore her no, seier ei anna.
Sprøjeundersøkinga er gjort med eit utval på 1000 personar.