Hopp til innhold

Folk trassa politiets råd: – Det er for å visa at kampen held fram

Fleire tusen menneske trassa politiets råd og møtte opp på Rådhusplassen i Oslo måndag kveld.

STORE FOLKEMENGDER: Mange tok turen til Rådhusplassen i Oslo måndag kveld. Redigert.

STORE FOLKEMENGDER: Mange tok turen til Rådhusplassen i Oslo måndag kveld.

Foto: Håkon Benjaminsen / NRK

Solidaritetsmarkeringa på Rådhusplassen i Oslo blei måndag kveld stoppa etter oppmoding frå politiet.

Likevel strøymde folk til den avlyste markeringa. Tusenvis av menneske var samla på Rådhusplassen.

– Eg føler meg mykje tryggare her enn å vera nokon annan stad akkurat no, sa Marie Sværen som fortalde at ho ikkje var i tvil om ho skulle koma på markeringa.

– Skeive beskyttar skeive, sa ein annan deltakar på markeringa.

Tone Ingvaldsen blåser såpebobler på Rådhusplassen. Redigert.

Tone Ingvaldsen blåser såpebobler på Rådhusplassen.

Foto: Håkon Benjaminsen / NRK

Tone Ingvaldsen var også til stades, med pride-flagg i handa og på kjakane. Med seg hadde ho også såpebobler.

Bilete frå staden viste store folkemengder med prideflagg og plakatar. Einskilde heldt også talar og appellar.

Også regnet kom under markeringa på Rådhusplassen måndag kveld. Redigert.

Også regnet kom under markeringa på Rådhusplassen måndag kveld.

Foto: Håkon Benjaminsen / NRK

Rain Vangen Dalberg hadde også tatt turen til Rådhusplassen.

– Det er for å visa at kampen held fram, sa Dalberg.

Ho hadde med seg roser som ho skulle leggja ved London pub etter markeringa.

Flere personer talte under markeringen.

Flere personer talte under markeringen.

Foto: Håkon Benjaminsen / NRK

Fleire tok turen til London pub

I 21-tida braut arrangementet opp ved Rådhusplassen.

Mange hadde også tatt turen til London pub.

Klokka 01.14 natt til laurdag byrja gjerningsmannen å skyta fleire personar utanfor puben, som er ein kjend utestad for homofile. Vitne seier at folk sprang i panikk frå staden.

Lang kø utanfor London pub i Oslo måndag kveld.

Lang kø utanfor London pub i Oslo måndag kveld.

Foto: Håkon Benjaminsen

– Vi tar tilbake London og området vårt. Vi er tilbake hjå familien vår no, sa Åshild Knutsen.

– Det er inga sjølvfølgje at vi står her i dag. Eg reiste heim klokka 23 for å vera opplagt til paraden på laurdag, sa Anne Berit Loftstad.

Anne Berit Loftstad, Åshild Knutsen, Jesus Barroso, Ole Kristian Joten og Mathilde Horn utanfor London pub i Oslo.

Anne Berit Loftstad, Åshild Knutsen, Ole Kristian Joten, Jesus Barroso og Mathilde Horn utanfor London pub i Oslo.

Foto: Håkon Benjaminsen / NRK

Fleire av pubgjestene fortalde at dei ikkje deltok i markeringa på Rådhusplassen.

– Eg kjenner meg rett og slett tryggare her oppe. Og eg blir så glad for å sjå at mange kjem opp hit, sa Anne Berit Loftstad.

To arrangement har blitt avlyste

Laurdag blei alle arrangementa i regi av Oslo pride avlyste etter anbefaling frå politiet i Oslo.

Oslo pride bestemte seg difor for å arrangera solidaritetsmarkering for å visa samhald etter dei tragiske hendingane natt til laurdag.

To personar går inn for ein klem når folk begynner å strøyma til på Rådhusplassen måndag.

To personar går inn for ein klem når folk begynner å strøyma til på Rådhusplassen måndag.

Foto: Håkon Benjaminsen / NRK

Etter oppmoding frå politiet, bekrefta Oslo pride at dei ikkje kom til å arrangera arrangementet likevel.

– Vi er lei oss for at vi nok ei gong må ut med eit bodskap om at ei pride-markering nok ein gong må avlysast, sa Oslo-pride leiar Inger Kristin Haugsevje på ein pressekonferanse måndag kveld.

Bilde av folkemassen på Rådhusplassen frå høgda.

Bilete viser den store folkemassen som har samla seg ved Rådhusplassen i Oslo.

Foto: Annika Byrde / NTB

Ho sa at dei forstår at folk er frustrerte og at dei likevel ynskjer å samlast.

Leiar Oslo pride, Inger Kristin Haugsevje.

Leiar i Oslo pride, Inger Kristin Haugsevje.

– Men vi kan ikkje halda eit arrangement når politiet anbefaler å avlysa, sa Haugsevje vidare.

På spørsmål om det stemmer at det ikkje blir pride-tog før etter sommarferien, svarar Haugsevje:

– Det er korrekt. Vi må ha litt ro no, og vi må ha ein god sommarferie før vi eventuelt går i gang med å planleggja det.

Les også: Oslo pride avlyst etter råd fra politiet: – Vi er lei oss

Nedrigg
Nedrigg

Ekstraordinær trusselsituasjon

Det er på grunn av informasjon av PST, og at det skeive miljøet er ein del av fiendebiletet til ekstreme islamistar, at politiet oppmoda om å stoppa arrangementet.

PST vurderer at framleis føregår ein ekstraordinær trusselsituasjon og at dei manglar oversikt over fleire personar i eit bestemt miljø.

To politimenn blant folkemengda på Rådhusplassen måndag 27. juni under pride-markeringa.

To politimenn blant folkemengda på Rådhusplassen.

Foto: Erlend Dalhaug Daae / NRK

I Dagsnytt 18 måndag sa PST-sjef Roger Berg at dei har bestemte personar i kikkerten som dei kontinuerleg jobbar med.

– Vi snakkar konkret om miljø som støttar ekstrem islamisme og som meiner at vald er legitimt for å oppnå sine mål. Og i denne situasjonen er det det skeive miljøet som dei rett og slett har fokus på, sa han.

Justis- og beredskapsminister oppmoda også folk til å følgja anbefalingane som politiet kom med.

Les også: Opplysninger til NRK etter pride-avlysning: Politiet mangler oversikt over flere personer

Roger Berg PST
Roger Berg PST

Lyspunkt

AKTUELT NÅ