Det er ikkje for å vera løyndomsfull at Einar Gelius er meir eller mindre taus om kva han vil snakka om når han søndag står framfor Vålerenga kyrkjelyd i prestedrakta si for aller siste gong.
Manus vil han nemleg ikkje ha med seg.
– Manus? Nei, eg tek det litt som det kjem. Litt sånn på sparket, seier den kontroversielle soknepresten som trekte seg frå vervet i november i fjor, etter ein lengre konflikt med Oslo-biskopen Ole Christian Kvarme.
- LES OGSÅ: – Kommer ikke til å savne biskopen
Ikkje sørgjestund
Gelius har jobba for Vålerenga kyrkjelyd i 16 år. Søndag held han si siste gudsteneste i kyrkja.
(Avskjedsgudstenesta kan du sjå i direktesendinga øvst i artikkelen)
Sjølv om han vil ta mykje av preika på gefühlen, har han temaet klart:
– Preika kjem til å handla om Jesus sin avskjed med disiplane sine, så her blir det dobbel avskjed, fortel 52-åringen som likevel understrekar at han ikkje legg opp til ei sørgjestund.
– Det er ei avskjedsgudsteneste, ikkje ei gravferd. Her blir det mykje sang og musikk, gladmusikk, seier han.
- LES OGSÅ: Alt om striden rundt Einar Gelius
Sterke kjensler i sving
Programmet blir som den avtroppande presten sjølv - noko utanom det vanlege.
Dansebanddronninga Jenny Jensen, Vålerenga Janitsjar og det lokale kyrkjekoret Vålerenga Vocalisskal bidra til underholdninga. I tillegg skal Trond Ingebrigtsen, forfattaren av "Vålerenga kjerke" setja sitt preg på Gelius si avskjedsgudsteneste.
– Er dette eit siste sprell frå deg før du går?
– Nei, slike innslag er heilt vanlege i mine gudstenestar. Det er slik eg likar å gjera det, svarar Gelius.
Laurdag, dagen før dagen er Gelius avslappa og roleg.
– Det blir sjølvsagt ei spesiell hending. Eg gruar meg ikkje, men det blir mange sterke kjensler i sving under denne gudstenesta.
- LES OGSÅ: Gelius takker for støtten
Provoserte kyrkja
Den avtroppande soknepresten trekte seg frå vervet den 24. november i fjor. Gelius har hausta både kritikk og ros for sine kontroversielle strandpunkt og påfunn.
I 2010 publiserte boka «Sex i bibelen», der han blant anna tilrår bruken av pornografi og omtalar posistive sider ved gruppesex.
Då var grensa nådd for Oslo-biskop Ole Christian Kvarme. Kyrkja, med Kvarme i spissen, reiste avskjedssak mot Gelius som dermed vart tvinga til å seia opp stillinga si.
– Det er fristande å seia at eg ikkje kjem til å sakna biskopen, eller min overordna, fortel Gelius til NRK få dagar før avskjedsgudstenesta på Vålerenga.
- LES OGSÅ: Dette er kyrkja sine skuldingar mot Gelius
- LES OGSÅ: Kvarme sitt brev til Gelius (pdf-fil)
– Vålerenga i hjarta
Gelius flyttar no tilbake til bibelbeltet og barndomsheimen sin i Arendal.
Der skal han skriva bøker, halda foredrag og jobba med radioprogrammet sitt på P4.
Presten, som har tatovert Vålerenga på armen sin, seier han kjem til å sakna atmosfæren, fellesskapet og stoltheita i bydelen.
– Eg har røttene mine på Sørlandet, men hjarta mitt er på Vålerenga, fortel Gelius.