Hunden blei avliva etter svipptur over grensa

Hopp til innhold

– Skal du berre på ein svipptur til Sverige; ikkje ta med deg hunden, seier veterinær og seniorrådgjevar hos Mattilsynet Ole-Herman Tronerud til NRK.

Førre helg drog ein hundeeigar på ein kort handletur over grensa. Då dei kom att, stoppa nokre tollarar bilen. Hunden fekk ikkje kome inn i Noreg.

Det var avisa Fremover som omtalte saka først.

Ingen papir – ein dyr affære

Eigaren hadde ingen papir på hunden. Då veit ikkje styresmaktene kvar hunden kjem frå, kva vaksinar den har fått eller kvar den har vore.

– Har du ingen dokumentasjon, må vi ta høgde for at hunden kan kome frå kvar som helst. Då vert den behandla som om den kom frå eit tredjeland, altso utanfrå EU, seier Tronerud.

Og kjem ein hund utanfrå EU, skal den sjekkast for rabies. Det betyr ein 120 dagar lang karantene på Gardermoen hos det private selskapet Airpet. Med ein dagspris på 300 kroner vert det minst 36.000 kroner – før veterinær og vaksinar er betalt.

Eigaren frå Nordland valde denne gongen å avlive hunden sin.

Strengare reglar

Frå 1. januar i år skjerpa Mattilsynet kravet om behandling mot sjukdomen revens dvergbendelorm. Mellom anna må hundar behandlast minst 24 timar og maks 120 timar før dei skal krysse ei grense. Dersom ein er på dagstur i Sverige, må hunden altso behandlast av ein svensk veterinær før den slepp inn att i Noreg. Eit alternativ er å ha hunden på konstant bendelormkur.

Og oppfordringa frå Tronerud er klår:

– Skal du berre på ein svipptur til Sverige; ikkje ta med deg hunden.

Les også: Smittefrykt gjør det vanskeligere for norske hundeeiere

Strengere regler for reise med hund

Alle hunder som tas inn til Norge skal behandles mot parasitten revens dvergbendelorm (Echinococcus multilocularis). Behandlingen skal gjøres av veterinær og dokumenteres i hundens pass.

Behandlingen må gjøres i landet dyret kommer reisende fra.

Behandlingen skal gjøres 24-120 timer FØR innreise til Norge.

Det aller beste er at behandlingen skjer 24 timer før innførsel.

Hvis hunden er behandlet mer enn 24 timer før innførsel, og hunden etter det har oppholdt seg i skog og mark, der smittefaren er størst, anbefaler Mattilsynet at hunden får en ekstra behandling etter at den er tilbake i Norge.

Alternativ:

Hunden kan gjennomgå et behandlingsopplegg som innebærer at de behandles mot bendelorm minst to ganger med minimum én dag og maksimum 28 dagers mellomrom. Dette kan gjennomføres hos veterinær i Norge før utreise, eller hos veterinær i utlandet.

Et slikt behandlingsopplegg må alltid avsluttes med en siste behandling hos veterinær etter siste utenlandstur.

Når du behandler hunden, dreper du selve parasitten, men ikke parasittens egg. Smittefarlige egg kan skilles ut via avføring 24 timer etter behandlingen. For å hindre at de spres, bør du derfor plukke opp avføringen og kaste den i husholdningsavfallet.

Kilde: Mattilsynet

– Regel som ikkje verkar

I januar prata NRK med Anne-Grethe Sætrang frå Bærum om reglementet. Ho tek ofte kortare turar til Sverige, med hunden sin. I haust var ho på jakt i Härjedalen.

–Dei nye reglane opnar for at hunden kan få pille to dagar før turen, men det vert jo dyrare sidan veterinær må kontaktast kvar gong, sa Sætrang.