Fra før er det gjort to andre gassfunn i området, Luva og Snefrid sør og vil no vurdere å byggje ut dei tre funna.
Informasjonssjef i StatoilHydro Geir Gjervan seier at dette er eit svært positivt funn.
- Me har i dag annonsert eit svært positivt funn i Norskehavet. Det er eit funn som er betydeleg sett i forhold til andre funn i Norskehavet, seier Gjervan.
Gledeleg funn
Haklang har mellom 8 og 14 milliardar kubikkmeter utvinnbar gass.
- Det betyr at dette er eit gledeleg funn for StatoilHydro, seier Gjervan.
StatoilHydro skal no vurdere kva som skal skje vidare.
- Me skal vurdere dette funnet opp i mot dei funna som er gjort i nærleiken av Haklang-prospektet, som Luva og Snefrid Sør, som StatoilHydro også har interesser i, seier Gjervan.
Men Gjervan seier dei foreløpig ikkje har konkrete planar.
- Me skal vurdere funnet, men det er for tidleg å seie korleis me skal ta det i bruk, seier Gjervan.
Meir aktivitet
Leiar for Helgelandsbasen Franz Nilsen, som leverer utstyr til oljeindustrien, trur dette betyr mykje for Helgeland.
- Det betyr meir aktivitet for oss på land. Det er gjort ein del mindre funn i området, og dette funnet kan kanskje knyttast til Norne-feltet. Dermed kan dei få betre økonomi, noko som betyr meir arbeid for oss, seier Nilsen.
Nilsen har ikkje noko formeining om feltet vert utbygd.
- Det har ikkje me ei meining om, men det er klart at dess fleire funn som vert gjort dess meir interessant vert det for StatoilHydro og andre å byggje ut, seier han.