Med skrekkblanda fryd har Synnøve Sunde (25) og venninna Ida-Elin Åmås (24) frå Ørsta nettopp testkøyrt løypa frå fjellet Roalden (1230 m.o.h.) på Stranda og ned til sentrum. Det spesielle Alperittet har vore arrangert i 20 år, og stadig nye deltakarar kastar seg på.
- Eg er veldig nervøs. Eg ser det er ei lang løype, og at vi kjem til å få ganske stor fart. Det blir om å gjere å halde seg innafor portane og ha kontroll, seier Sunde.
Les også:
Renn i skog og på gangveg
Det var mange som laurdag formiddag prøvekøyrde løypa til Alperittet, som startar klokka 12.
Foto: Jannicke Susann FarstadAlperittet blei arrangert første gong for 20 år sidan, og kjem i stand som resultat av dugnadsinnsats. Løypa på 6200 meter går frå Roaldshorn (1230 m.o.h.), ned fjellet, gjennom skogen, over dyrka mark, ned gangvegen langs Storgata og endar utanfor dørene til rådhuset og kulturhuset.
Heile rennet blir sendt direkte, og det kan du sjå via sidene til Alperittet her.
Bjarne Solbakken er med
Den tidlegare toppalpinisten og strandaren Bjarne Solbakken er med for første gong i år. Rekorden har Nils Bjarne Krohn frå Åndalsnes sikra seg. I 2008 sette han løyperekord med tida 6 minutt og 15 sekund.
Her kan du sjå frå Alperittet i 2013:
Snømangel også i år
Snømangel har vore eit kjent problem også for arrangørane av Alperittet, og det er ikkje noko unntak i år. Fleire tonn oppsamla snø er køyrt til, for å redde rennet.
Også tidlegare har dei måtte køyre til snø:
Rennet startar klokka 12 og det blir konkurrert i både alpint, telemark og snowbord i dame- og herreklasse.
Håper å kome under ti minutt
Synnøve Sunde seier ho har eit håp om ei ok plassering, sidan det ikkje er så mange deltakarar i kvar klasse. Alt under ti minutt er greit, men ho fryktar at føret skal bli ei utfordring.
- Eg håper vi begge kjem velberga i hamn. Det er hardt og kjem til å gå fort, så det blir litt skummelt. Eg har som mål å iallefall ikkje kome på siste plass, seier ho.