Ein mann i 50-åra er dømt til fengsel i åtte år for å ha forsøkt å drepe kona si i Averøy på Nordmøre tidlegare i år.
Mannen stakk kvinna med ein kniv og ho blei alvorleg skadd.
Han er også dømt for mishandling i nære relasjonar. Dette fordi deira felles barn var til stades under deler av hendinga.
Torbjørn Kolås Sognefest, som er forsvararen til mannen som er tiltalt for drapsforsøk i Averøy, hadde sin prosedyre i retten torsdag ettermiddag.
Han meiner at den tiltalte heller bør bli dømt for grov kroppsskade og ikkje drapsforsøk.
Kolås Sognefest bad retten sjå på bevisa som er lagt fram i saka. Han vektla at saka er alvorleg, men argumenterte for at den tiltalte ikkje hadde som hensikt å drepe kvinna då han stakk ho med kniven.
Kenneth Leren, bistandsadvokaten til den fornærma kvinna som blei knivstukken i Averøy i mars, ber om at ho får ei erstatning på 400.000–425.000 kroner. Samtidig seier han det er opp til rettens skjønn å avgjere ein eventuell erstatningssum.
Ein mann i 50-åra, som kvinna var gift med, er tiltalt for å ha forsøkt å drepe ho med ein kniv. Paret var i ein prosess der dei held på å gå frå kvarandre då hendinga skjedde.
Leren la også ned ein påstand om at kvinna får meinerstatning, dersom det seinare skulle vise seg at ho får varige mein og ein invaliditetsgrad på meir enn 15 prosent.
Parets felles barn var vitne til deler av hendinga.
Inger Grete Lundemo, bistandsadvokaten til dei fornærma barna, seier det er opp til rettens skjønn å avgjer ein erstatningssum.
– Men om ein ser på det traume dei har opplevd og korleis det vil prege dei vidare i livet så meiner eg at ei oppreisingserstatning bør ligge på minst 250.000 kroner, men kanskje så høgt som det mor får, sa ho i retten.
Ho seier at ho ikkje ser grunn til å differensiere mellom barna.
Aktor, Jogeir Nogva, ber om fengsel i åtte for ein mann som er tiltalt for drapsforsøk i Averøy i mars i år. Mannen skal ha stukke kona si med kniv, slik at ho blei alvorleg skadd. Hendinga skjedde i paret sin felles bustad.
Påstanden om straff kom under aktor sin prosedyre i Nordmøre og Romsdal tingrett torsdag.
Mannen er også tiltalt for mishandling i nære relasjonar, fordi dei to felles barna deira var til stades under deler av hendinga.
Paret var i ein prosess der dei skulle gå frå kvarandre då hendinga skjedde.
Aktor la også ned ein påstand om eit kontaktforbod ovanfor dei fornærma i saka i fem år. Dette gjeld både den fornærma kvinna og deira felles barn.
I dag held rettssaka etter ei knivstikking i Averøy i mars fram i Nordmøre og Romsdal tingrett.
Der la den fornærma kvinna sin bistandsadvokat, Kenneth Leren, fram dokumentasjon på dei psykiske og fysiske skadane som kvinna har hatt i etterkant av hendinga.
Kvinna fekk skader både på kroppen og hendene i knivstikkinga. Ho har også forklart at ho har slite psykisk etter hendinga.
