Det er dei beste 14-åringane fotball-Noreg har å by på. I dag starta dei arbeidet med å verte enno betre - på Ole Gunnar Solskjær sin fotballskule i Kristiansund.
Vil ha bilete av Solskjær
Litt oppspilt, men med full fokus når det kommer til det som er viktig i dag. Desse jentene er fem av 50 14-åringar, som er plukka ut frå klubbar over
heile landet for å vere med på fotballskulen til Ole Gunnar Solskjær.
Dei er alle einige om kva Solskjær kan hjelpe dei med.
- Han kan seie kva vi er dårlege til og kva vi er gode til, og så kan vi øve på det. Så blir vi betre.
Therese Aasland frå Viking fotballklubb er ein av dei heldige som er plukka ut til å vere med på fotballskulen. Ho veit akkurat kva ho skal gjere når ho treff Solskjær.
- Ta bilete med han!
Utviklar talent
På andre sida av byen arbeider det store forbildet for at alt skal vere klart til morgondagens fotballstjerner møter opp.
- Det er eit par av dei som har vore med på fotballskulen som har endt opp i
Manchester United. Og det er i alle fall 4-5 spelarar eg kjenner att frå dei første åra, som spelar i Tippeligaen no. Det er artig å sjå, seier Solskjær.
Det er det sjuande året Solskjær, fotballforbundet og Statoil Hydro arrangerer fotballskulen. Heile vegen med same filosofi.
- Eg vil ha dei som har den beste haldninga og som har eit potensiale. Det gjer ingenting om ein er minst i klassen eller minst på laget. Det er ikkje før om 5-6 år ein ser sluttproduktet av desse fotballspelarane.