Politiet i Møre og Romsdal meldte først om snøskredet rundt klokka 15.35 måndag. Det blei så sett i gang ein aksjon for å finne ut om nokon hadde blitt tatt av skredet.
Om lag ein time seinare melder politiet at aksjonen er avslutta.
– Skispora, som var observert i området, går både inn og ut av det aktuelle skredet. Vi vurderer difor at det er eit gamalt skred, seier Leif Arne Mork, operasjonsleiar i Møre og Romsdal politidistrikt.
Politiet meidder difor at skispora stammer frå skiløparane har køyrd gjennom skredet etter at det har gått.
– Dette gjer vi med bakgrunn i det som luftambulansen og redningshelikopteret har sett når dei har flydd over området, seier Mork.
Søre Klauva ligg 1356 meter over havet i Isfjorden i Rauma.
Langrennsløpar meldte frå
Frivillige, i tillegg luftambulanse og redningshelikopter blei sendt til staden etter at politiet fekk melding om snøskredet måndag.
Leif Arne Mork, operasjonsleiar i Møre og Romsdal politidistrikt.
Foto: Remi Sagen / NRK– Det var ein person som var ute og gjekk på langrennsski litt lenger nede i bygda som observerte skredet. Det er observert skispor i området, men det er uvisst om nokon er tatt i skredet, sa Leif Arne Mork, operasjonsleiar i politiet til NRK i 15.30-tida.
På det tidspunktet hadde politiet ikkje kome i kontakt med nokon som har sett når skredet gjekk.
– Den førebelse vurderinga vår er at det har gått i løpet av ettermiddagen. No jobbar vi med å få på plass ressursar. Etter kvart som helikoptera kjem dit og kan vurdere situasjonen frå lufta, så veit vi litt meir, sa Mork.
Klokka 16.15 var to helikopter frå Hovedredningssentralen på plass.
– Dei har akkurat starta søka i området, sa Eilen Furre hos HRS.
Bad folk om å ta kontakt
I etterkant av skredet bad operasjonsleiaren bad som hadde informasjon om skredet om å ta kontakt.
Dette er ikkje lenger nødvendig, seier Mork i politiet i 16.00-tida.
– Vår vurdering er at det ikkje er nokon som er tatt av det skredet som hadde gått der.
Det er moderat snøskredfare i Romsdal no, ifølge snøskredvarslinga til NVE.
Fjellet Søre Klauva ligg 1356 meter over havet.