I dag startar rettssaka mot tre menn som er tiltalte for eit grovt narkotikalovbrot.

Ifølge tiltalen skal dei tre ha prøvd å dyrka fram 5,9 kilo cannabis i ein bustad i Surnadal.

Dette lukkast ikkje fordi politiet slo til mot eigedomen før produksjonen blei sett i verk. Politiet meiner at dette blei gjort som eit ledd i aktiviteten til ei organisert kriminell gruppe.

Det er sett av tre dagar til saka. Ingen av dei tre tiltalte er heimehøyrande i Møre og Romsdal.