Styret i Helse Sunnmøre vedtok tirsdag å utgreie ulike modellar innan akuttberedskapen for Volda sjukehus.
I samband med strategiarbeidet i Helse Sunnmøre diskuterte styret ulike modellar vedrørande akuttberedskapen for Volda sjukehus.
Tre modellar
Modellane leiinga skal utgreie vidare er følgjande, skriv dei i ei pressemelding:
Modell 1
Døgnberedskap i indremedisin, ortopedi og fødeavdeling.
Døgnberedskap med 4–delt vakt på kort sikt og 6-delt på lang sikt og med fast tilsette innan desse fagområda.
Blautdelskirurgi på dagtid -dagkirurgi og poliklinikk med vidare satsing på urologi.
Poliklinisk Ø-hjelp beredskap og eventuelt enklare kirurgisk vaktberedskap i Volda på dagtid. Dette gir også rom for vurdering av pasientar, t.d. i medisinsk avdeling som treng tilsyn/vurdering av kirurg.
Alle gastrokirurgane i Helse Sunnmøre deltar i vaktordning ved Ålesund sjukehus uavhengig av bustad.
Modell 2
Døgnberedskap i indremedisin, fødeavdeling og blautdelskirurgi. Beredskap innan ortopedi fram til kl 22.00 heile veka.
Modell 3
Døgnberedskap i indremedisin med/utan gynekologi og føde. Kirurgisk/ortopedisk elektiv 5-døgnspost.
Les også:
Ut på høyring
Etter at modellane er ugreia blir det lagt opp til omfattande høyringsrunder. Helse Sunnmøre sitt strategiarbeid fram til 2015 går parallelt med Helse Midt-Norge sin Strategi 2020.
