- Det blir ein tøff kamp, men laget er inne i eit godt driv. Me har medgang, så dette går nok vegen, seier Walderhaug.
Han meiner det blir ein draumefinale om AaFK går vidare. Vinnaren av oppgjeret i kveld får møte Molde på Ullevaal i starten av november.
Trur Rekdal kan roe spelarane
- Det bør tenne spelarane litt ekstra, meiner Walderhaug. Han er likevel samd med AaFK-trenar Kjetil Rekdal som fryktar at spelarane skal bli for tente før semifinalen.
- LES OGSÅ:
- Det er alltid fare for det, men eg trur Rekdal er flink til å roe spelarane, og få dei til å forstå kva det står om.
Også Nicolai Humblen Gjerde er klar for finalen. I oppvarmingsteltet til supporterklubben Stormen på Kiperviktorget håper han at finalebilletten blir sikra torsdag kveld.
- Held hovudet kaldt
- Det er fantastisk stemning her. Det kunne ikkje vore betre, seier han.
Han er optimist, og trur ikkje Molde sin siger mot Vålerenga onsdag vil hindre AaFK-spelarane i å sikre seg tur til Oslo i november.
- LES OGSÅ:
- Eg trur dei held hovudet kaldt, meiner han. Men Molde var ikkje den finalen han håpte på.
- Århundrets finale!
- Eg håpte på VIF, men Molde blir bra. Det blir Noreg sitt svar på Manchester United - Liverpool, smiler han.
Olivia Riste tek det endå litt lenger.
- Det blir århundrets finale! Eg trur sjølvsagt på finale. Det blir 2-1, etter mål frå Aarøy og Herrera, trur ho.