NRK Meny

Nobel-paret går frå kvarandre

Ekteparet May-Britt og Edvard Moser har bestemt seg for å gå kvar til sitt, men kjem til å halde fram samarbeidet om hjerneforsking.

John O'Keefe, May-Britt Moser og Edvard Moser

Forskarparet frå Sunnmøre fekk Nobelprisen i medisin i 2014 for den oppsiktsvekkjande hjerneforskinga dei har drive. Prisen delte dei med John O'Keefe.

Foto: Skjermdump fra SVT

Artikkelen er mer enn ett år gammel.

Det er Adresseavisen som no i kveld skriv at ekteparet skil lag.

Til avisa seier paret frå Sunnmøre, som vann Nobelprisen i medisin i 2014, at skilsmissa ikkje får konsekvensar for arbeidet deira ved Norsk hjernesenter ved NTNU i Trondheim.

– Dette er ikkje noko vi har lyst å dele med folk, men vi veit at rykta går. Difor er det viktig å seie tydleg frå til alle om at dette ikkje vil få negative følgjer for senteret, seier May-Britt Moser til avisa.

May-Britt Moser

May-Britt Moser seier til Adresseavisen at skilsmissa mellom henne og ektemannen Edvard ikkje vil gi negative følgjer for forskinga dei driv.

Foto: NRK

Ho seier vidare at isolert sett er dette ei privatsak, men at paret ønskjer å roe alle som kjenner uro for instituttet og forskinga. Difor går dei no ut og stadfester at dei skil lag.

Det vekte stor oppsikt då dei to fekk Nobelprisen i medisin for vel to år sidan.

Professorparet som kjem frå Hareid og Herøy, har vore gifte like sidan dei studerte i lag. Dei har forska i lag, og saman bygd opp eit stort og suksessrikt miljø rundt hjerneforsking i Trondheim. Dei har to døtrer saman.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.