Politiet fekk tips om vingling i vegbanen i 14.30-tida. 20 minutt seinare vart kvinna stoppa av politiet på Ellingsøya i Ålesund. Ho hadde to små barn i bilen.
– Kvinna framstod som påverka og ho vart tatt med for blodprøvetaking, seier operasjonsleiar John Bratland ved Møre og Romsdal politidistrikt.
Kvinna er sikta for ruskøyring og førarkortet er beslaglagt.
– Det er klart dette er alvorleg. Det er sjølvsagt skjerpande at det er barn i bilen, seier Bratland. Barnevernet er kopla inn i saka.
