Politiet har sett i verk etterforsking og kvinna er sendt til obduksjon ved Gades institutt i Bergen.
Ei kvinne i 50-åra vart onsdag sikta for å ha utøvd vald mot kvinna. Den vidare etterforskinga vil avklare om dødsfallet har direkte samanheng med valdsepisoden.
Politiadvokat Kirsti Hammerø.
Foto: Øyvind Sandnes / NRK– Vi veit at det har vore vald utført av den 50 år gamle kvinna. Valden førte til at den 70 år gamle kvinna blei frakta til Volda sjukehus. Der døydde den skadde kvinna nokre dagar seinare, seier politiadvokat Kirsti Hammerø.
Politiet opplyser at den 50 år gamle sikta kvinna er teken hand om av helsevesenet.
– Vi har førebels ikkje fått gjennomført noko avhøyr av den sikta, seier Hammerø til NRK.
Det vil bli gjennomført ein judisiell observasjon av den sikta kvinna av to psykiatrisk sakkunnige.
– Obduksjonsrapporten vil avklare kva skadar den 70 år gamle kvinna er påført, seier Hammerø.
Forsvararen til den sikta kvinna, Torgeir Hovland Langva, seier han ikkje har noko kommentar til saka på noverande tidspunkt.
Det er ein relasjon mellom den sikta og avdøde. Saka står fram som ei familietragedie med eit sterkt innslag av sjukdom, opplyser politiet.
Bistandsadvokat for familien Gerd C. Haagensen seier ho ikkje ønskjer å kommentere saka no.
