Ørsta-ordførar Gudny Fagerhol.
Foto: Håvard Ketil Sporsheim / NRK–Denne tunnelen, som er blant dei lengste, burde få fleire fotoboksar. Dei andre har fått det i starten, og då krev vi også å få fleire, seier Ørsta-ordførar Gudny Fagerhol.
Fem omkom
Ulykka i Eiksundtunnelen for akkurat eitt år sidan i dag kravde fem menneskeliv. Politiet konkluderte raskt med at svært høg fart var ei av årsakene til ulykka, og fartsmålingar viste at tunnelen var ein ynda stad for fartsleik.
–Fotoboksar har effekt
Lensmann Odd Kulø
Foto: Frode Berg / NRKDette førte til at sunnmørsordførarane kravde fotoboksar, og fekk det. I ettertid meiner lensmann Odd Kulø at det har hatt effekt.
–Det skjer nok brot i dag også, men vi har ikkje registrert nokon av den dimensjonen som vi såg i fjor, seier Kulø.
Justisministeren kjem
Fagerhol trur også at mange har blitt skremt frå å køyre fort i tunnelen, men meiner det likevel må gjerast konkrete tiltak for å unngå nye dødsulykker. I haust har ho invitert justisministeren til Ørsta, og kjem han, blir han invitert med på tur gjennom Eiksundtunnelen. Fagerhol håper det vil føre til at dei siste fotoboksane kjem på plass.
Mange ville heidre dei som omkom i Eiksundtunnelen.
Foto: Gunnar Wiik