Det er eit flunkande nytt soloprogram publikum får sjå.
Parken Kulturhus i Ålesund er éin av to konsertar Leif Ove Andsnes har lagt inn i turnéplanen. Stavanger er den andre stoppestaden.
Konserten onsdag i Ålesund er berre éin av svært mange konsertar framover.
– Eg har det veldig tett i vår. Om sommaren prøver eg å ta mykje fri, for det treng eg, fortel Andsnes.
Favoritt-flygelet
Pianisten fortel at han likar Ålesund, både på grunn av publikum og proft arrangement.
Men viktigaste av alt: Parken Kulturhus har favoritt-flygelet.
– Det er eit godt Steinweg-flygel, ein D-modell som vi kallar det. Det er konsertmodellen deira, to meter og 74 centimeter lang.
Pianoet blir stemt av pianisten sin faste pianostemmar.
– Både for meg og mange andre pianistar er dette det flottaste konsertflygelet å spele på, meddeler Andsnes til NRK.
Chopin sin fjerde ballade
Han viser oss kunstane sine, Frédéric Chopin sin fjerde ballade. Stykket er eitt av mange han framfører for første gong i det nye soloprogrammet.
– Det er ein god del nye ting på dette programmet for meg.
– 60-70 prosent er kanskje heilt nytt, så det blir litt premierefeeling for meg i dag, seier Andsnes onsdag ettermiddag.