Den omkomne som er i 40-åra, er frå USA. Dei pårørande er varsla, opplyser politiet.
– Vi veit ikkje kva som er grunnen til ulukka. Vi kjem til undersøke kva som har skjedd og snakke med vitne, seier operasjonsleiar Roar Fylling i Møre og Romsdal politidistrikt.
Erfaren basehoppar
Politiet fekk melding om ei basehoppulukke frå fjellet Saksa i Ørsta kommune klokka 10.18 fredag. Ulukka blei av politiet omtalt som alvorleg. Han var ein del av eit turfølgje på 10 personar.
– Han blir omtala som ein svært erfaren basehoppar med over 1500 hopp bak seg, seier Fylling til NRK.
Basehopparen som omkom, var ein del av eit større turfølge.
Foto: Rune SæbønesHovedredningssentralen sende helikopter frå Florø. Luftambulanse blei også sendt til ulykkesstaden.
Mannen blei henta ut frå fjellet i 12.30-tida fredag. Det har tatt tid å få varsla dei pårørande. Men klokka 18.03 kunne politiet stadfeste at mannen hadde omkome.
Det er bratt og ulendt i området. Det var både norske og utanlandske personar i turfølgjet, opplyser politiet.