Pilotstreiken skaper trøbbel for flytrafikken, og dermed også avviklinga av eliteserien.
Aalesunds-laget drog til Molde laurdag for å kunne ta eit fly derfrå laurdag. Det var Sunnmørsposten som først meldte dette.
Men flyet frå Molde vart stoppa av vêret.
AaFK og direktør Ronny Stokke frykta at spelarane skulle bli uopplagde om dei tok buss til Sandefjord.
Foto: Remi Sagen / NRKFrykta uopplagde spelarar
– Det var ikkje aktuelt å la våre spelarar sitje på bussen ei heil natt. Då ville dei vore uopplagde til kampen, seier AaFK-direktør Ronny Stokke til NRK.
Fotballforbundet diskuterte saka i morgontimane søndag, og klokka 11.22 kom meldinga om at kampen var utsett.
Klubbane sit i eit møte med Noreges Fotballforbund for å prøve å bli samde om ein ny kampdato.
KBK er klar
– Kristiansund er klare til kamp etter busstur til Oslo, seier dagleg leiar Kjetil Thorsen i Kristiansund BK.
Foto: Roar Halten / NRKUtfordringane i flytrafikken gjorde at Kristiansund BK drog til Oslo-området med buss allereie på fredag.
Søndag skal dei møte Vålerenga som ligg tredje sist på eliteserietabellen.
– I går hadde vi trening på banen til Ull/Kisa, seier dagleg leiar Kjetil Thorsen i KBK. Han opplyser til NRK at dei tar buss heim att etter kampen i Oslo.
Tromsø med langweekend i Molde
Aadne Orvik i Molde fotballklubb seier kampen mot Tromsø går som planlagd søndag.
– Tromsø kom hit med charterfly laurdag. Dei skal vere her til tysdag, sier Orvik.
Kampen mellom Sandefjord og Aalesund er den tredje kampen i Eliteserien som må spelast seinare som følge av den pågåande pilotstreiken. Onsdag vart kampen mellom Kristiansund og Tromsø utsett.