Trur på samarbeid trass namnestrid
Fylkesordføraren i Møre og Romsdal, Jon Aasen (Ap), trur dei fire vestlandsfylka skal klare å samarbeide vidare i Vestlandsrådet til trass den bitre namnestriden. Hordaland og Sogn og Fjordane skal slå seg saman til ett fylke og har vald namnet Vestland. Det har skapt sterke reaksjonar i Møre og Romsdal og Rogaland, og ein av dei sterkaste kritikarane har vore Jon Aasen som no har blitt leiar i Vestlandsrådet. Men det blir feil å sette samarbeidet på spel på grunn av ein krangel om namn, seier Aasen.