15 av sakene var på Nordmøre og i Romsdal, medan ei førebels oppteljing viser 23 på Sunnmøre.
Store mørketal
Politimeister Arnstein Nilssen i Nordmøre og Romsdal politidistrikt seier mørketala er store.
- Det veit me. I 2008 var auken i melde familievaldssaker på over 50 prosent frå året før. Det skuldast neppe at det vart meir vald, men at fleire turde å seie frå. Dette er eit samfunnsproblem.
Politiet fekk inn 1457 familievaldsaker i 2008. 72 av desse var i Nordmøre og Romsdal politidistrikt, 152 på Sunnmøre.
Ålesund kommune tar tak
- Dette er eit vanskeleg tema, seier koordinator Janne Grete Havnegjerde ved det interkommunale overgrepsmottaket i Ålesund.
Difor har kommunen vore med på å legge til rette for kurs i sinnemeistring.
Kursa skal haldast i Spjelkavik i Ålesund. Det eine startar 2. april, det andre vert først til våren.
- Inga privatsak!
- Kurset er for menn som taklar sinnet sitt på ein usunn måte, seier kurshaldar Bjørn Løvland.
LES MEIR:
Politimeister Arnstein Nilssen applauderer tilbodet.
- Det er veldig bra at nokon tar tak for å førebyggje dette. Familievald er inga privatsak!