Hopp rett til:
Eurovision Song Contest (ESC) 2024 blir den 68. finalen av den europeiske musikkonkurransen.
Årets ESC har vore gjenstand for debatt som følgje av Israels deltaking i konkurransen. Det har vore fleire demonstrasjonar i løpet av veka.
Finalen går av stabelen laurdag 11. mai i Malmö.
Slik ser du Eurovision på NRK
26 land kom vidare til finalen etter semifinalane på tysdag og torsdag.
Men på laurdag, berre nokre timar før finalen, vart Nederland diska på grunn av ei hending mellom han og ei kamerakvinne etter semifinalen på torsdag.
Derfor er det 25 land som står på scena i kveld.
- Finalen ser du på NRK 1 eller i NRK TV frå kl. 21.00.
- Du kan også få med deg alt av Eurovision-finalen på radiokanalen NRK P1 frå kl. 21.
Kommentator 1: Marte Stokstad skal også i år sitje i kommentatorboksen under Eurovision Song Contest.
Kommentator 2: Jon Marius Hyttebakk losar deg trygt gjennom Eurovision-finalen på radiokanalen NRK P1.
Har du spørsmål om Eurovision?
Eller saknar du ein plass der du kan dele dine meiningar og synspunkt om årets framføringar? Kven har det beste kostymet? Kven har den råaste stemma?
Da kan du gå inn på NRK.no laurdag kl. 21 og ta del i NRK Svarer.
Slik stemmer du
Du kan stemme opp til tjue gongar.
For å stemme, sender du SMS til 26900 med talet på den du vil stemme på. Eller så kan du ringe 829 69 6 +deltakernummer.
Kvar stemme både via telefon og SMS kostar fem kroner, og du kan ikkje stemme på Noreg.
Nederland skulle opptre som nummer 5, men er som nemnt diska, og det er ikkje mogleg lenger å stemme på dei.
Stemmeskjema
Ein klassisk gjengangar når det gjeld Eurovision.
PDF-versjon:
Word-versjon:
I skjemaet står artistane oppført i den rekkjefølgja dei opptrer i.
Her kan du fylle inn poenga dine etter kvart som artistane har framført nummeret sitt, og du kan gi poeng på alt frå sceneshow til styling.
PS: Nederland skulle opptre som nummer 5, men er som nemnt diska, og det er ikkje mogleg lenger å stemme på dei. Dei andre opptrer med nummeret dei opphaveleg fekk utdelt.
