NRK Meny
Normal

Linn Skåber får drøymeprogram på NRK1

– Dette har vore min hemmelege fantasi, seier Linn Skåber. Til hausten er ho tilbake i gullrekkja på NRK, der ho saman med Ronny Brede Aase skal lage tv-underhaldning frå tilfeldige norske heimar.

Linn og Ronnys Tacoshow

Linn Skåber og Ronny Brede Aase skal lage fredagsunderhaldning frå norske heimar til hausten.

Foto: Julia Marie Nagelstad / NRK

NRK håper fredagsunderhaldninga skal gå rett heim til hausten. Bokstaveleg tala. Kvar veke bankar programleiarane Linn Skåber og Ronny Brede Aase på hos ein vertsfamilie ein eller annan stad i landet for å lage «Linn og Ronnys Tacoshow».

Dei har også med seg pianist Lars Andreas Aspesæter og utegåande tacoreporter Yousef Hadaoui når dei til hausten startar oppsøkande underhaldnings-tv.

– Draumekonsept

Yousef Hadaoui - Svart humor

Yousef Hadaoui har laga nettserien «Svart humor» for nrk.no. Til hausten blir han utegåande tacoreporter i NRK si nye fredagsunderhaldning.

Foto: NRK

Då tilbodet kom om å vere programleiar i tv-showet kom frå NRK, var ikkje Linn Skåber i tvil om at dette var noko ho skulle gjere.

– Eg har lenge fantasert om å få kome heim til folk for å underhalde. Når eg har vore på turne, har eg ofte leikt meg med tanken om å ringe på ei tilfeldig dør, og be om å få kome inn. Difor kunne eg ikkje seie nei når NRK ringde og hadde drøymekonseptet.

I løpet av åtte veker familiar frå heile landet få besøk av «Linn og Ronnys Tacoshow». Dei skal ha med seg kjendisgjestar som er skreddarsydd for vertsfamiliane dei kjem til. I tillegg har dei med seg ein artist som skal spele live i stova.

Slik kan det sjå ut når NRK kjem på besøk:

Linn Skåber og Ronny Brede Aase lager fredagsunderholdning hjemme hos folk

Hyllar kvardagsfamilien

Men sjølv om det blir kjente gjestar og artistar i programmet, så er det vertsfamiliane som skal stå i sentrum i den nye tv-serien. Eit par tusen familiar har meldt si interesse for å vere med i programmet. Skåber seier ho gler seg spesielt til å få eit innblikk i kva fredagsritual dei ulike familiane har. Og så gler ho seg til å vise ulike måtar å leve saman på.

– Vi skal hylle kvardagsfamilien. Vi skal besøke svært ulike familiar med ulik samansetjing. Det blir gøy å spegle Norge på denne måten, og få vist fram ulike familiekonstellasjonar.

Tilbake i Gullrekka

Jon Almaas, Linn skåber og Knut Nærum

Det er fire år sidan sist Linn Skåber var ein del av Gullrekka til NRK. I 2013 slutta ho som fast paneldeltakar i «Nytt på nytt» etter seks år i stolen.

Foto: Julia Naglestad / NRK

Med «Linn og Ronnys Tacoshow» er Linn Skåber tilbake i NRK si gullrekke på fredagar, fire år etter at ho slutta i «Nytt på nytt». Ho var fast paneldeltakar i det populære satireprogrammet i seks år, men gav seg for å prioritere andre prosjekt. No gler ho seg til å kome tilbake:

– Det blir fint. På mange måtar kjennest dette som å kome heim igjen. Eg hadde det veldig morosamt sist eg var ein del av fredagsunderhaldninga på NRK. Så det blir koseleg nå kome tilbake til hausten.

Kulturstrøm

  • Sterkt om Nina Simone

    Nosizwe Baqwa gjør en sterk tolkning av Nina Simones dramatiske liv i forestillingen «I am Nina», som har gått i flere runder på Nordic Black Theatre i Oslo. Nå sist under Oslo jazzfestival. Her er hun hos oss i NRK og legger igjen en musikalsk perle til oss alle.

  • Aurora i svært god form.

    Lekenheten og bruken av hele Auroras feilfrie vokalspekter gjør «Forgotten Love» til et mer definerende og fascinerende «comeback» enn forrige singel, mener P3s anmelder. Terningkast 5.

    Aurora
    Foto: Ketil Mosnes
  • Dansk nasjonalpoet er død

    Benny Andersen er i Norge er mest kjent for sitt samarbeid med sangeren Povl Dissing. Deres vise «Svantes lykkelige dag (om lidt er kaffen klar)» var en monsterhit i Norge. Benny Andersen fikk sitt folkelige gjennombrudd med diktsamlingen og platen Svantes viser i 1972. Han er en høyt elsket nasjonalskald, og utgivelsen av hans samlede dikt i 1998 slo alle rekorder for diktutgivelser. (NTB)

    Benny Andersen er død.
    Foto: Liselotte Sabroe/ritzau Scanpix / NTB scanpix