– Bakgrunnen er at vi har ein del hus med mykje aktivitet i. Men det er relativt store behov for oppgradering, seier kultursjef i kommunen, Torunn Charlotte Lund til NRK.
– I tillegg har vi eit par kommunale bygningar som står tomme og vi har eit bibliotek som treng oppgradering, seier ho.
Oppgåva til arbeidsgruppa blir å vurdere om ein skal bruke pengar på å oppgradere eksisterande bygg, eller byggje eit nytt hus, som skal romme mange ulike aktivitetar.
Kultursjefen vil helst byggje nytt, og trur det er realistisk å få til, trass i trong økonomi i kommunen.
– Dersom Valle kommune skal halde fram med å vere ein kulturkommune, som vi er, må vi uansett bruke pengar på å oppgradere dei byggar vi har, seier kultursjefen.
– Eg tykkjer det er viktig å få eit hus med mange funksjonar, som ligg mest mogleg lettvint til for flest mogleg, og eit bygg som er lett å bruke og stikke innom, seier ho.