Verket av den kjende Jølster-kunstnaren var venta selt for mellom 1,5 og to millionar kroner då det skulle under hammaren onsdag.
Trass interessentar, vart ikkje biletet selt.
- LES OGSÅ:
– Det er eigentleg ganske interessant, for det er ikkje alle bileta frå perioden 1905 og 1910 som er like gode som dette. Dette var ein enorm tapt moglegheit for å gjere seg eit fenomenalt kjøp, seier Adrian Biddell, som er leiar for auksjonshuset si avdeling for europeisk biletkunst frå 1800-talet.
Signert Nik Astrup
Biletet vart truleg til medan Nikolai Astrup (1880–1928) studerte i Christiania, og det er eitt av dei første oljemåleria han laga av Ålhustunet der far hans var prest.
Paret utvandra til DeLamere i Nord-Dakota i 1811, og kjøpte biletet under eit besøk i heimlandet. Biddell er overraska over at biletet ikkje vart selt.
– Det som er litt interessant er at det var signert Nik Astrup. Det var i god tilstand og har ei noko spesiell historie om familien frå heimstaden hans som utvandra til USA, seier Biddell om biletet som vart kjøpt direkte frå kunstnaren tidleg på 1900-talet av Anders og Martha Nedrebø.
– Alltid interesse
Auksjonshandlaren selde i 2001 «Soleie og regnboge» for 4,8 millionar kroner. Det er tidenes dyraste Astrup-bilete.
– Vi har selt mange Astrup-bilete sidan då, og det har alltid vore interesse kring Astrup. Og i Norge ser vi verk av han dukke ofte opp på auksjonar, men for å vere heilt ærleg så er ikkje alle bileta like bra som «Ålhusnatt», seier Biddell.
– Det var litt interesse kring verket, men diverre ingen som kjøpte det i denne omgang. Det kan vere at vi får inn bod i etterkant og sel det privat. Det skjer frå tid til annan, legg han til.
– Undervurdert
Biddell er glad for at Jølster-kunstnaren endeleg skal få si eiga internasjonale utstilling.
Den startar i februar ved Dulwich Picture Gallery og vil gå via Tyskland til Henie-Onstad Kunstsenter i Oslo.
– Dette vil vere den første store internasjonale utstillinga med Astrup. Dette fortener han, for eg tykkjer han er ein internasjonalt uvisse og undervurdering av han som kunstnar, avsluttar Biddell.
