– Det er gledeleg at pendlarane mellom Stavanger og Egersund får eit betre tilbod i rushtida allereie no, seier samferdselsminister Ketil Solvik-Olsen i ei pressemelding frå regjeringa.
Ferdig før tida
Opphavleg skulle ikkje kapasiteten i rushtida aukast før mot slutten av 2016, men regjeringa framskunda arbeidet med å forlengje plattformene på Klepp og Øksnavad, og dermed kan NSB frå i morgon køyre med doble togsett i rushtida.
– Dette er eit viktig bidrag for å gjera jernbanen meir attraktiv for pendlarane, seier samferdselsministeren.
- LES OGSÅ:
Har vore trongt om plassen
NSB vil setje inn dobbeltsett i ein morgonavgang til Stavanger og i ein ettermiddagsavgang frå Stavanger.
– Jærbanen har hatt svært god passasjervekst over fleire år, og pendlarane på denne strekninga har opplevd at det er blitt trongare om plassen. Mange må stå i kupeen, og då er jernbanen eit mindre attraktivt reisemiddel, seier Solvik-Olsen.