– Vi veit førebels ikkje kva som har skjedd anna enn at ein person fekk problem i badeanlegget. Personen pustar sjølv, seier operasjonsleiar ved Agder politidistrikt, Ingrid Mæhre til NRK.no.
Ved 16.30-tida letta luftambulanse frå staden og han er frakta til sjukehuset i Arendal.
19-åringen er ikkje av norsk opphav.
Sørlandet sykehus opplyser at mannen ligg på intensivavdelinga og at situasjonen er uavklara.
Ifølgje politiet vart mannen funne på botnen i overgangen mellom grun og djupt vatn. Han vart teke på land der det var sett i gang gjenoppliving.
Kriseteamet i Risør er varsla, slik at personar som var tilstades kan få hjelp, dersom dei treng nokon å snakke med.
Ifølgje Agderposten skal 19-åringen ha ligge i 3-4 minutt på botnen av bassenget.
NRK.no følgjer saka.
