Sveinung Hovstad
Foto: Håvard Raustøl / NRK– Vi ser ikkje grunn til å budsjettere med anna enn realistiske tal, seier administrerande direktør i Start, Sveinung Hovstad til NRK.no.
- LES OGSÅ: Start sel fleire sesongkort
- LES OGSÅ: Publikumssvikt gir enorme tap
– Vi har lagt opp til eit nøkternt og godt budsjett slik vi ser det. Vi har teke ned inntektene litt for at det skal harmonere med omsetningstala vi har for inneverande år, seier han.
Risikosport
For neste år har klubben budsjettert med eit tilskodarsnitt på 8300. Det er 700 færre enn det klubben budsjetterte med før årets sesong.
– Viss du ser på inntektssida er det naudsynt å ta den ned. Den reflekterer også eit ynskje i dei tidlegare budsjetta om ynskt omsetning. Så vidt eg kan sjå har ikkje den vore heilt realistisk. Det har gjort det naudsynt å tenkje på litt meir realistiske tal, seier Hovstad.
- LES OGSÅ: Reklamebanner erstattar publikum
I løpet av ein toårsperiode har Start dermed redusert budsjettet med mellom 30 og 40 millionar kroner. Dei siste åra har fotballklubb-budsjetta vore ein «risikosport» i Noreg. Neste år legg klubben opp til eit underskot på 6 millionar kroner.
Lågare risiko
– Vår vurdering er at risikoen er betydeleg lågare enn i 2010. Det å få publikumsinntekter på nivå med dette året er nøkternt og eit greit utgangspunkt, seier han.
Start har brukt dei to siste åra på å få orden på økonomien. Fleire andre klubbar må starte dette arbeidet no.
- LES OGSÅ: Publikum svikter Start
- LES OGSÅ: Publikum svikter toppfotballen
– Skal vi klare å gjennomføre dette og etterkvart komme oss på plussida, iallefall null, er vi avhengige av at dei andre klubbane også gjer det same. Vi lever i den same marknaden og ein del av kostnadene får vi importert frå resten av bransjen, seier han.
Fleire klubbar slit
– Eg misunner ikkje andre å gå gjennom dei prosessane vi har gått gjennom, seier han.
Brann er ein av eliteserieklubbane som slit stort. Klubben har allereie sagt opp fleire tilsette.
- LES OGSÅ: – Spillerlønningene skal ned
Sjølv om Start, i motsetnad til andre eliteserieklubbar, hevdar å ha god kontroll på økonomien inn i 2011, er det ikkje rom for å styrkje spelarstallen ytterlegare.
– Vi må køyre eit forsiktig løp framover. Så det er det inga endring på, seier han.
Dermed ser det ut til at dei einaste forsterkingane før 2011-sesongen vert Birger Madsen og keeper Alexander Lund Hansen.
