- Det er større utfordringar i denne saka enn på dei andre bitane me har vedteke, sa olje- og energiminister Terje Riis-Johansen på ein pressekonferanse torsdag formiddag.
- SET I GANG: Olje- og energiminister Terje Riis-Johansen håper på oppstart allereie neste sommar på to strekningar mellom Sunnmøre og Sogn.
Foto: Torbjørn TandbergDei to strekningane som ein har vedteke å starte allereie neste sommar har mindre ueinigheit, fortalde statsråden.
- Sogndal - Moskog
- Ørsta - Bremanger
Omdiskutert strekning
- Så har me eitt område der det har vore stor diskusjon på Sunnmøre, sa Riis-Johansen.
Dette området er mellom Standal i Ørsta, og Ørskog. Lina har skapt mykje reaksjonar frå folk i området.
Mellom anna er det utforminga av lina gjennom Sykkylven som er kontroversiell. Dette vil ein unngå dersom ein får eit alternativ med sjøkabel rundt området.
- Les også:
Avgjerda kjem seinare
- Det me i dag ber Statnett gjere, er å søkje om konsesjon på ein kabel i fjorden frå Standal til Ørskog, sa statsråden.
Presentasjonen i dag gav ikkje ein fasit på kva som vil skje, men vil berre hente fram fleire alternativ for løysingar.
- Den avgjerda kjem ikkje i løpet av fyrste halvdel neste år. Me har ein jobb å gjere. Her vil avgjerda om konsesjon kome noko seinare, fortalde statsråden.
