Ein 22 år gamal mann har erkjent at han banka opp ein 32-åring i Langevåg i Sula natt til fredag.
Ei kvinne som vart pågripen etter valdshendinga gjekk frå staden då slagsmålet starta og har dermed ikkje vore involvert, seier lensmann Frode Haugen.
32-åring ligg på St.Olavs hospital i Trondheim.
Alvorlege skadar
Mannen har mellom anna fått skadar i hovudet, og sjukehuset opplyser at skadane er svært alvorlege.
Sperra av
Huset der det skjedde er sperra av og store politstyrkar har i formiddag jakta på dei som står bak utgjerninga. I løpet av dagen har fleire vitne vore inne til avhøyr.
Politiet avviser at det er nokon samanheng mellom denne valdshendinga og brannen i Ålesund natt til torsdag.
