Holet i steinen er om lag 6 cm i diameter og går gjennom massivt fjell.
Det var under arbeidet med å hakke vekk fjell at holet vart avdekt på Vikeneset i Volda, skriv avisa Møre.
Holet ser ut som ei sjukanta stjerne. Omlag fire meter av holet er avdekt, men det går vidare skrått nedover fjellet.
Menneskeskapt
Til Møre seier fylkesgeolog Einar Anda at han trur holet er menneskeskapt.
- Ut frå fotoet ser det ut som det er menneskeskapt, men eg veit ikkje kva det er, seier han.
Anleggsarbeidarane veit heller ikkje kor holet kjem frå. Dei har ikkje utstyr til å lage det.
Attraksjon
Anleggsarbeidarane som driv med gravearbeid i området får no mykje besøk av nysgjerrige tilskodarar. Alle vil sjå holet i steinen.
Volda har fått ein ny og mystisk attraksjon.
Høyr ettermiddagssendinga til NRK Møre og Romsdal på
frå klokka 16 tysdag. Der har vi invitert ein geolog og mannen som oppdaga holet til å prøve å løyse mysteriet.