Klokka 23:09 var stillaset sikra så godt som råd i uveret, gata vart opna og stillaset har stått gjennom natta.
20 meter høgt
Eit 20 meter høgt stillas ved ei av blokkene i Margretes Fryd i Kristiansund kunne bli offer for sterk vind onsdag kveld.
Klokka 18.26 melde politiet at heile gata er sperra av.
– Vi ber folk om å halde seg borte frå gata, sa politiet i Nordmøre og Romsdal.
Det bles stiv kuling på delar av Nordmøre onsdag, og Yr.no meldte om sterk kuling i løpet av kvelden.
– Problem med å stå på føtene
Operasjonsleiar Kjell Biesmans fortalde til NRK at eigar av stillaset jobba hardt for å sikre det mot uvêret.
– Dei kavar på, men dei har problem med å stå på føtene i området. Så det er ganske heftig å sikre det.
– Men dei jobbar med det, og meiner dei skal få det til, sa Biesmans klokka 20.20.
Stod gjennom natta
Torsdag morgon fortel operasjonsleiar Jan Helge Kjøl i Nordmøre og Romsdal politidistrikt at stillaset har stått gjennom natta.
– Stillaset vart sikra klokka 23.09 og gata vart opna igjen.