Ein av dei som stiller spørsmål ved namnevalet er tidlegare ordførar i Selje, Ottar Nygård. Han meiner dersom Gloppen og Eid vel å kalle seg Nordfjord kommune, så er det skulert uforstand.
– I det legg eg at det å kalle ein nye kommune for Nordfjord er vel ikkje akkurat det mest geniale namnevalet eg har sett føre meg. Eg meiner at både i Eid og Gloppen er det så mykje skulerte folk at eg håpar dei vil gjere ei ny vurdering av namnebruken, seier Nygård.
Samde om avtale
Forhandlingsutvala i Eid og Gloppen er altså Måndag vart avtalen lagt fram for kommunestyra. Då vart det også klart at den nye kommunen skulle få namnet Nordfjord kommune.
Men ikkje alle er like begeistra for namnevalet. Det syner godt igjen i kommentarfelta på Facebook-sidene til NRK.
Då ordføraren i Eid, Alfred Bjørlo (V), møtte Nygård til debatt i ettermiddagsendinga til NRK Sogn og Fjordane var han open for å diskutere namnevalet.
– Det å tenke på namnebruken og ta ein skikkeleg debatt på det er i alle fall eg open for seier, Bjørlo.
Ottar Nygård hadde også eit eige namneforslag til Eid og Gloppen dersom dei vel å slå seg saman.
– Kva med å kalle det Fjordane kommune?
