KLAR FOR SOGNDAL: Tønsberg-kaptein Espen Næss Lund.
Foto: NRKDet trur tidlegare Sandefjord-trenar Tor Thodesen, som trente Næss Lund i Tønsberg i fjor.
Den 25 år gamle Tønsberg-spelaren signerte tysdag ein treårskontrakt med eliteserielaget på Fosshaugane.
- LES OGSÅ:
– Berre å gratulere
Thodesen trur midstopparen vil takle overgangen frå 2. divisjon til Eliteserie svært godt.
– Espen har alt som skal til for å klare dette veldig elegant. Som eliteserietrenar vill eg ikkje nølt med å ta inn Espen. Det er berre å gratulere Sogndal med valet. Det kan vise seg å bli ei veldig smart signering, seier den tidlegare NRK-eksperten.
Senka Vålerenga i cupen
Midstoppar Espen Næss Lund , med sine 194 cm, er mest kjend for å ha skåra to mål då Tønsberg slo ut gamleklubben hans, Vålerenga, i cupen i 2010. Ut over det høyrest det ikkje så imponerande ut med ein 25-åring som stort sett har spelt i 2. divisjon etter den mislukka overgangen til Vålerenga som 16 åring.
Men det har si forklaring, seier den tidlegare Sandefjord-trenaren.
– Den første er at han burde ha vore tilbake i eliteserien for lenge sidan, men han har vel rett og slett valt lojalitet og interesse for å få til noko i heimbyen sin. Eg prøvde då eg var i Sandefjord å få han dit, men fekk til svar at han skulle opp i Adeccoligaen med Tønsberg, fortel Thodesen.
- LES OGSÅ:
Grorud anbefalte Sogndal
FORLET SOGNDAL: Kaptein Lars Grorud går til Brann, men anbefalte sogndølene til sin gamle lagkamerat frå Tønsberg.
Foto: Rune Fossum / NRKEspen Næss Lund er den andre Tønsberg-kapteinen som går til Sogndal, og han rådførte seg sjølvsagt med forgjengaren Lars Grorud, som går til Brann ved årsskiftet, før han skreiv under treårskontrakten i tysdag.
– Eg har snakka med Lars og har fått litt innsideinformasjon om kva som ventar meg og kva eg kan gle meg til. Det har berre vore godord frå hans side, både i forhold til Sogndal som klubb og som stad. Så det er berre å gle seg, seier nysigneringa.
- LES OGSÅ:
– Han er betre enn Grorud var
Thodesen trur Sogndal får ein langt meir ferdigutvikla spelar no, enn kva dei fekk då Lars Grorud for nokre år sidan kom til klubben.
– Eg ikkje berre trur, men er heilt sikker på at Espen er lengre framme no, enn Lars Grorud var då Sogndal henta han. Då har ein fått ein målestokk på at ein har fått ein ruvande spelar, slik eg ser det.