Hope som er mangeårig medlem i Fellesforbundet seier den opprivande rettssaka forbundet har gått gjennom er den verste saka han har vore borti.
– Den er øydeleggjande for heile organisasjonen.
Klubbane ved både Brødrene Aa i Hyen og Helle Fabrikker i Holmedal har no sendt brev til avdeling 19. Dei krev eit ekstraordinært årsmøte for å diskutere saka – og at anken blir trekt.
– Vi er misnøgde med at dei har anka saka. Vi meiner det vil vere skadeleg for Fellesforbundet å halde fram denne saka, også på landsbasis, seier Hope til NRK.no.
Tapte arbeidsrettssak – ankar saka
Fellesforbundet avdeling 19 sa i fjor opp Jarle Kirketeig som organisasjonsarbeidar. Nyleg fall det dom i arbeidsrettssaka mellom Kirketeig og forbundet. Der fekk Kirketeig jobben attende og ei oppreisning på 175.000 kroner. Kirketeig fekk medhald i at han over lang tid har blitt trakkasert av leiar Magne Ulvatn.
Styret i Fellesforbundet avdeling 19 har bestemt seg for å anke tingretten si avgjerd, trass at dei blei åtvara mot dette frå forbundsleiar Arve Bakke.
- LES OGSÅ:
- LES OGSÅ:
Nyleg sendte styret i avdeling 19 ut eit brev til dei kring 2000 medlemmene i fylket. Der oppmodar styret medlemmene om å tenkje seg om før dei ytrar seg i saka.
– Vi ser at det kjem meiningsytringar som ein kanskje vil angre på i ettertid. Vi vil difor minne dykk alle om at det er menneske som er involvert i denne konflikten, og oppmodar difor om å argumentere sakleg, skreiv nestleiar Bjørn Kormeseth i brevet.
- LES OGSÅ:
– Vil redde stumpane
Ottar Hope som er sekretær i klubben ved Brødrene Aa i Hyen er svært kritisk til styret si handtering av saka.
– Eg trur styret no satsar på å redde stumpane til dei som sit på kontoret i Førde. Dei bryr seg vel ikkje så mykje om medlemmene lenger, men vil redde seg sin situasjon, seier Hope til NRK.
- LES OGSÅ:
- LES OGSÅ:
- LES OGSÅ:
- LES OGSÅ:
- LES OGSÅ:
(Artikkelen held fram under biletet)
Vil ikkje la seg kneble
Han meiner brevet styret har sendt ut er upassande.
– Viss vi les litt mellom linjene så er vi jo underlagt teieplikt. Vi har fått grei beskjed om å passe oss og ikkje komme med upassande uttaler, men det er pressefridom i Norge, seier han.
– Men avdeling 19 må vel ha rett til å skrive eit brev der dei skriv kva dei meiner?
– Sjølvsagt. Men då må vi ha lov til å uttale oss i andre enden, seier Hope.
Svekka tillit
Kravet til styret frå klubbane ved Brødrene Aa og Helle Fabrikker er eit ekstraordinært årsmøte.
– Vi håpar ankesaka blir sett på dagsorden og at anken blir trekt, seier Hope.
– Har du tillit til styret?
– Den er begynt å sprekke opp, vedgår han.
Bjørn Kormeseth, som handterer saka for styret i avdeling 19, ønskjer ikkje å kommentere saka. Han viste i går kveld vidare til avdeling 19 sin advokat, som førebels ikkje har vore tilgjengeleg for kommentar.