– Eg tykkjer Jarle Kirketeig er dårleg behandla, rett ut. Eg tykkjer han jobba godt for oss, og eg kjem til å melde meg ut av Fellesforbundet viss det ikkje blir rydda opp, seier Johannes Stenhjem, som er klubbleiar ved Sogn Bilservice.
- LES OGSÅ:
Har sett på situasjonen med vantru
I lag med dei 1500 andre medlemmene i Fellesforbundet i Sogn og Fjordane har han dei siste dagane vore vitne til ein prosess det har vore vanskeleg å ta inn over seg.
- LES OGSÅ:
Medan tre tilsette har stått fram og skulda den valde leiaren, Magne Ulvatn, for langvarig og alvorleg mobbing, har fylkesstyret i Fellesforbundet svart med å true varslaren av trakasseringa, Jarle Kirketeig, med oppseiing.
Krev ekstraordinært årsmøte
-Medlemsmassen reagerer sterkt på det som har skjedd, seier Bjørn Roar Olsen, klubbleiar ved HMR i Årdal, som krev at det raskt vert kalla inn til ekstraordinært årsmøte.
– Det bør skje så fort som mogleg, for dette øydelegg jo omdømet i Fellesforbundet. Medlemmene står ikkje i kø for å bli med, så vi må ordne opp i saka så raskt som råd, seier Olsen.
- LES OGSÅ:
(Artikkelen held fram under biletet)
FORTVILA: Varslar Jarle Kirketeig saman med Ruth Skrede.
Foto: Bård Siem / NRKMange klubbleiarar står bak kravet
NRK har vore i kontakt med også fleire andre klubbleiarar i Fellesforbundet, og dei er unisone i kravet om ekstraordinært årsmøte.
- LES OGSÅ:
For å kunne arrangere ekstraordinært årsmøte, må minst 25 prosent av medlemmene i fylket krevje det.
Forbundsstyret kan også krevje ekstraordinært årsmøte med berre fire dagars varsel.
-Få skifta ut leiinga
Klubbleiar Kjell Ove Årdal ved Beto-Nor AS i Førde, kallar handsaminga av Jarle Kirketeig som skammeleg, og vil ha ekstraordinært årsmøte fortast mogleg for å skifte ut sitjande leiing.
– Det må gjerast straks. Dette er graverande, og sånt som ikkje burde skje på ein arbeidsplass, seier Årdal.
Ingen frå leiinga i Fellesforbundet i fylket vil kommentere saka.