Noreg og Storbritannia samde om ein bilateral fiskeriavtale
Noreg har inngått ein bilateral avtale med Storbritannia for 2024 som inkluderer gjensidig tilgang til å fiska i kvarandres økonomiske soner, og dessutan eit byte av fiskekvotar.
– Storbritannia er ein sentral partnar for Noreg når det gjeld samarbeid om fiskeri og havpolitikk. Forhandlingane har også i år gått føre seg i ein open og konstruktiv tone, og stadfestar at det bilaterale samarbeidet vårt er nært og godt, seier fiskeri- og havminister Cecilie Myrseth.