– Vi har fatta ei samstemd avgjerd om å droppa alternativet med Vågsøy, Vanylven og Selje. No konsentrerer vi oss om samtalar med Gloppen om ei samanslåing, seier Eid ordførar, Alfred Bjørlo.
Det vart bestemt under eit møte torsdag.
- Les også:
Heilskapen avgjorde
Alternativa har vore mange og diskusjonane har vore lange. Bjørlo er nøgd med at det no har blitt tatt ei avgjerd.
– Eg har stor tru på ein sterk kommune i midtre Nordfjord med 12 000 innbyggjarar, slått saman av Eid og Gloppen, seier ordføraren.
– Kva gjorde at ein enda opp med dette alternativet?
– Det er heilskapen som avgjorde og eg trur vi kan utvikla oss best saman med Gloppen. Kommunane har felles mål for samfunns- og næringsutvikling, svarar Bjørlo.
Tidlegare denne månaden vart det klart at Stryn, Hornindal, Eid og Gloppen vraka alternativet om å bli ein storkommune i Nordfjord.
- Les også:
- Les også:
Vil likevel samarbeide
Sjølv om det ikkje blir storkommune i Nordfjord, er det framleis god stemning mellom kommunane.
– Vi vil halde på det gode samarbeidet med desse kommunane, seier Bjørlo.
Og sjølv om Eid no ser mot Gloppen for kommunesamanslåing er det ikkje uaktuelt å bli ståande for seg sjølv og halde fram som eigen kommune, ifølgje ordføraren.
Forhandlingsutvalet i Eid og Gloppen tek sikte på å utarbeida ein ferdig intensjonsavtale for vidare politisk samarbeid i løpet av januar 2016.