Teksten er albansk og blei skrive på ein vegg i Bergen fengsel i mai i fjor. Påtalemakta sine tolkar har omsett den slik:
Aktor og konstituert førstestatsadvokat, Benedicte Hordnes, meiner dette var ein beskjed frå 46-åringen til ei kvinne som er tiltalt i same sak og også sat i varetekt.
Hensikt: Å samordne forklaringane.
– Me tenker det er ei førehandsavtale. Begge forklarer seg i realiteten i samsvar med det som er skrive på veggen om sentrale ting som telefonen og reisa, seier Hordnes.
Tiltalt etter mafiaparagrafen
Totalt fem albanske personar, blant dei kvinna, er tiltalte etter den såkalla mafiaparagrafen for å ha smugla 150 kilo kokain til Noreg. Kokainen var festa under eit skip.
Ein sjette person blei også arrestert og sikta, men blei etter ei tid funnen død i fengsel.
Kokainen var pakka inn i baggar og festa til skroget på skipet.
Foto: Vest politidistriktDei gule posane inneheldt kokain. Dette er ein av fire baggar som politiet konfiskerte.
Foto: Vest politidistrikt150 kilo blei tatt.
Foto: Vest politidistriktForsvarar for 46-åringen er advokat Ole Petter Drevland.
Foto: Kari Nygard Tvilde / NRK46-åringen nektar for å ha forsøkt å samordne forklaringane.
Han hevdar at han hadde skrive på veggen for å sjølv hugse kva han hadde sagt i avhøyr.
– Det var ikkje meint for den kvinnelege medtiltalte, for ho sat ein annan stad i fengsel, seier mannen sin forsvarar, advokat Ole Petter Drevland.
Var på ferie
Då kokainen kom til Noreg i april 2023, var den festa under skipet «Nordloire», som kom til Husnes i Vestland frå Brasil.
«Nordloire» hadde segla frå Haiti, via Brasil, og til Husnes. Under skipet blei det første beslaget, gjort i Noreg av typen parasittsmugling, frakta. Dette er også det største kokainbeslaget gjort på Vestlandet nokosinne.
Foto: Atle HellandDykkaren har forklart at han skulle til Noreg for å inspisere eitt skip. At kvinna var med, hevdar han var fordi ho ofte var med han på turar, både for business og fornøyelse.
46-åringen hadde eit dykkarfirma i Albania der dei har halde dykkarkurs. Kvinna jobba i firmaet og tok seg av alt det administrative.
Kvinna forklarte at dei to var i Italia på ferie då ho fekk vite dei skulle til Noreg. Der skulle dei visstnok også ha nokre dagar ferie.
Framme i Noreg blei kvinna bedt om å tolke, fordi ho kunne engelsk.
Dette gjorde ho mellom anna då ho, dykkaren, og den no avdøde kjøpte dykkarutstyr i Bergen.
46-åringen og kvinna på ein butikk som sel dykkarutstyr i Bergen. Ein tredje person skal ha betalt over 35.000 kroner for utstyr der.
Foto: PolitietVille ikkje dykke om natta
Vidare på veggen i Bergen fengsel stod det:
I retten har det kome fram at den tiltalte 46-åringen skal ha gått i vatnet ein kilometer unna skipet.
Deretter skal han ha kutta tau og fått med seg dei fire bagane med kokain til land.
Bagane med kokain skal ha vore festa inni eller til desse lukene under skipet.
Foto: Tolletaten46-åringen har forklart at han ikkje ville dykke på natta, og at han følte eit slags press om at han måtte.
Kvinna hevdar også at ho følte eit press.
– Me har ikkje tillit til deira forklaringar. Me meiner dei er fullt klar over kvifor dei er her, og kva oppdrag dei skal gjennomføre, seier aktor Hordnes.
Sentral telefon
Då dei seks personane blei arresterte, var kvinna og 46-åringen i same bil. I denne var det to telefonar. Ein tilhøyrde kvinna, og ein var ein svart Samsung-telefon.
Aktor Hordnes seier den svarte telefonen er sentral, fordi den tydeleg viser at det er kontakt med oppdragsgivarar for turen.
Denne telefonen nekta kvinna for å ha brukt, bortsett frå då ho hadde blitt bedt om å svare på den. Då sat ho i bilen, klar for å hente dykkaren etter han hadde dykka.
46-åringen nektar for å ha brukt telefonen før turen til Noreg.
– Det er ikkje riktig, det kjem me til å påvise, seier Hordnes.
Dykkardrakt og dykkarutstyr blei beslaglagt natt til 13. april. Kvinna hjelpte 46-åringen med å skaffe utstyret.
Foto: PolitietLiknande kokainbeslag i andre land
I retten har det kome fram at 46-åringen og kvinna har reist mykje til utlandet når det ikkje er turistsesong i Albania. Sesongen er frå mai til oktober.
Aktor har lagt fram at 46-åringen og kvinna var i Brest i Frankrike i februar og i Gijon i Spania i mars.
– Desse turane er mistenkelege og kan ha noko å gjere med tilsvarande oppdrag som dei gjorde i Noreg, seier aktor Hordnes.
Konstituert førstestatsadvokat og aktor Benedicte Hordnes i Hordaland tingrett.
Foto: Kari Nygard Tvilde / NRKHordnes stadfestar at det i same periode har blitt gjort større kokainbeslag i landa.
– I eitt av landa blei det funne i lufteventilsystemet på same måten som på båten på Husnes, seier Hordnes.
Forsvarar Drevland meiner det er spesielt å trekke fram desse reisene utan å hente inn dokumentasjon.
– Det blir berre lause skuldingar til ugunst for min klient, og det synest eg ikkje er heldig, seier Drevland.