– Det var sjølvsagt tøft, men vi fekk god oppfølging frå kommunen og fekk tilbod om å vere her på Midtnes hotell. Det var veldig godt, fortel ein av dei evakuerte, Kari Tordis Aarskog til NRK.no.
(Artikkelen held fram under biletet)
I SIKKERHEIT: Evakuerte på Midtnes hotell i Balestrand.
Foto: Arve Uglum / NRKSaman med ni andre vart ho beden om å forlate heimen i 21-tida måndag kveld. Like før hadde eit stort ras sopt med seg eit bustadhus. Sambuarparet som bur i huset er sakna.
Politiet opprettheld framleis evuakueringa, og dei 10 personane får førebels ikkje reise heim, slik NRK kom til skade å skrive.
LES OGSÅ:
Merka ikkje raset
– Vi merka ikkje noko anna enn at ambulanse og blålys stod ute i vegen, fortel Aarskog.
Ho og dei andre evakuerte bur litt lenger inne, i retning Balestrand sentrum, i høve til skredet som følgde elveleiet ned Tuftadalen til Flesje, om lag fire kilometer vest for sentrum.
(Artikkelen held fram under biletgalleriet.)
– Dei evakuerte sit no og følgjer med på nyheitene og ventar på å høyre kva som skjer i rasområdet, fortel Arve Uglum, NRK sin reporter på staden.
Hadde ikkje fått sove heime
Aarskog seier ho er letta over å ikkje måtte sove heime.
– Det er eit bekkefar som kjem ned rett innom huset vårt. Her gjekk det skred i 1979 og 1981, men kom aldri så langt som ned til huset. Men no er det veldig mykje snø, så eg var veldig taknemmeleg for at eg fekk tilbod om å evakuere. Hadde eg lagt heime hadde eg ikkje fått sove mykje, seier ho.
– Trist for bygda
Samstundes går tankane til dei to, eit sambuarpar i slutten av 50-åra, som no er sakna.
– Eg tykkjer det er veldig trist for bygda vår at vi skal bli utsette for noko slikt. Det er trist, seier den evakuerte Balestrand-kvinna.