- Vi har folk ute fleire stader for å vurderer situasjonen. Men det er heilt klart ein utfordrande dag for oss, med så mykje nedbør, seier prosjektleiar Lars Erik Karlsen ved Statens vegvesen.
(Artikkelen held fram under biletet)
Store nedbørsmengder
Store nedbørsmengder har ført til vegstengingar over heile fylket. Det har gått ei rekkje ras, både av snø, jord og stein. I tillegg er det lokale overfløymingar fleire stader.
- Situasjonen vert vurdert kontinuerleg, men det er umogleg å seie noko sikkert om kor tid vegane kan opne att, seier Karlsen.
Vegvesenet jobbar for å få oversikt over vegane, og Karlsen vedgår at det er vanskeleg.
- Snørasfaren er no på 4, så det er stor snøskredfare i Sogn og Fjordane, seier Karlsen.
Han ber trafikkantane om å vere forsiktige.
- Eg vil be folk om å køyre forsiktig. Ver obs på mykje overflatevatn. Det kan og ligge ein del rusk i vegbana, i tillegg kan asfalten ha fått skader, åtvarar Karlsen.
- LES OGSÅ:
(Artikkelen held fram under biletet)
Hus tatt av ras - to personar sakna
I Balestrand er to personar sakna etter at eit hus vart teke av eit stort ras. Det vert gjort søk i sjøen der raset har gått ut i fjorden. Før geolog kjem til staden vil ein ikkje gå inn i området for å leite etter ekteparet.
- LES OGSÅ:
- LES OGSÅ:
Slik er det på vegane
- Riksveg 5 Sogndal – Fjærland bomstasjon, ved Dalevatnet – stengd grunna snøras
- Riksveg 5 Skei – Sogndal, ved Fjærland – stengd grunna snøras
- Riksveg 13 Vikafjellet – stengd grunna snøras
- Riksveg 15 Strynefjellet – stengd grunna fare for ras. Ny vurdering klokka 09.
- Fylkesveg 13 Dragsvik – Vetlefjorden ved Sandskreda bru – stengd grunna snøras
- Fylkesveg 13 Gaularfjell, ved Mel – stengd grunna snøras
- Fylkesveg 50 Hol- Aurland – steng grunna overfløyming
- Fylkesveg 53 Øvre Årdal – Holsbru – stengd grunna snøras
- Fylkesveg 53 Tyin-Årdal - stengd grunna uvêr. Vert ikkje opna att i dag.
- Fylkesveg 55 Balestrand – Høyangar ved Flesje bru – stengd grunna jordras
- Fylkesveg 55 Balestrand – Dragsvik ved Esebotn bru – stengd grunna fare for ras
- Fylkesveg 60 Byrkjelo – Sunnylven ved Hornindal – stengd grunna overfløyming
- Fylkesveg 92 Vik-Arnafjord – steng grunna snøras
- Fylkesveg 93 Nautsund – Vadheim, ved Heldalsheia – stengd grunna fare for ras
- Fylkesveg 152 Ulvastad – stengd grunna snøras
- Fylkesveg 181 Legdene – Feios, ved Djupevik – stengd grunna snøras
- Fylkesveg 212 – Nedrehagen – Lerheim, ved Skjeldestad – stengd grunna overfløyming
- Fylkesveg 214 Fimreite – Valeberg, ved meistarplass – stengd grunna snøras
- Fylkesveg 241 Gudvangen – Bakka ,ved Bakka – stengd grunna fare for ras
- Fylkesveg 331 Urnes – Skjolden – stengd grunna snøras
- Fylkesveg 337 Hafslo – Veitastrand – stengd grunna snøras
- Fylkesveg 453 Klakegg – Fonn, ved Veiteberg – stengd grunna overfløyming
- Fylkesveg 481 Storehagen – Botnen – steng grunna flaum
- Fylkesveg 614 Grov – Stårheim – steng grunna fare for ras
- Fylkesveg 615 Storebru – Sandane(Hyen-Hestnesøyra) – stengd grunna jordras
- Fylkesveg 691 Gjengedal – Aa bru – stengd grunna snøras
- Fylkesveg 722 Storesunde – Flo – stengd grunna fare for ras
- Fylkesveg 723 Bødal – Loen – stengd grunna snøras
- Fylkesveg 724 Briksdal – Olden – stengd grunna fare for ras
Saka vert oppdatert.