Samhandlingsreformen har gjort at ventetidene på sjukeheimsplass er blitt lenger, og sett eldreomsorga i fylket under press. Det syner ein fersk rapport gjort av Helse Førde og KS.
- Les også:
- Les også:
Burde fått ekstra midlar
Årsaka er at kommunane må ta i mot pasientar frå sjukehusa tidlegare enn før, ofte eldre og svært pleietrengande sjuke som krev tett oppfølging.
I går fortalde NRK Sogn og Fjordane at 21 av 27 kommunar har auka press i eldreomsorga, halvparten strevar med overbelegg på sjukeheimane, og 21 kommunar må legge eldre på fleirsengsrom.
Avdelingsleiar Sølvi Nesbakk Ryland ved Eid sjukeheim har måtta sjå langt etter meir pengar til å klare nye oppgåver.
– Vi har ikkje fått tilført noko ekstra midlar for å klare desse endringane og utfordringane. Det burde vi jo fått.
(Artikkelen held fram under)
Vil vise regjeringa behovet
Då reforma vart innført vart det lova at pengane som trengst skulle følgje med, no vil KS vise regjeringa at det ikkje har skjedd.
– Samhandlingsreforma er ein rett reform, men kommunane må få pengar til å gjennomføre det dei har ansvar for, seier Følling.
– Burde ikkje ein sett dette før?
– Det burde ein jo. Og KS har prøvd, men skal vi framføre krav overfor regjeringa så må vi ha rekna på kor stort behovet er. Den jobben må vi ta tak i, seier KS-leiaren.