Mattilsynet har påvist fugleinfluensa på éin måke. Fuglane vart funnen i Sandane sentrum i Gloppen kommune førre veke.
Mattilsynet ventar på prøvesvar frå ein annan fugl.
Sjukdommen er ein virusinfeksjon som er smittsam mellom fuglar. Sjukdommen kan gi svært høg dødelegheit i fuglebestandar.
Per Jarle Myklebust, varaordførar i Gloppen kommune, håper at dei får raskt kontroll på utbrotet.
– Dette er trasig. Vi håper at dette ikkje er eit stort utbrot og at vi no snart får kontroll på det vi har oppdaga, seier han.
Kommunen har sett i verk tiltak for å samle inn døde fuglar for å forhindre smitte, og kommunen har fått på plass ein oppsamlingscontainer for døde fuglar.
Myklebust oppmodar publikum til å gi beskjed til kommunen om dei finn døde fuglar.
Han kan endå ikkje seie noko om det kjem til å komme restriksjonar for dei som har fjærkre.
Stort utbrot i Finnmark
Det er eit stort pågåande utbrot av fugleinfluensa i Troms og Finnmark. I går var det registrert totalt 13.700 døde fuglar av fugleinfluensa i Vadsø.
Mattilsynet karakteriserer utbrotet av som det største utbrotet fugleinfluensa hos villfugl Noreg har sett.
Det er særleg måsearten krykkje som er ramma av sjukdommen. Krykkjene er allereie strekt truga i Noreg.
Det har og vore påvist fugleinfluensa i bergensområdet i april og på Karmøy i juli, ifølge Vetrenærinsitututtet sine data.
– Eg håper vi ungår ein slik tragedie som dei har i Finnmark, seier Myklebust i Gloppen kommune.
