Denne ordføraren er historisk – Ap kuppa makta i jordbrukskommune

– Eg får seie som Pippi Langstrømpe:

– Dette har eg aldri gjort før, så dette klarer eg sikkert, seier Arnar Kvernevik.

Den nye Ap-ordføraren har kuppa utstillingsvindauget til Senterpartiet.

I 56 år har Sp hatt ordførarvervet i Gloppen kommune. Men no er det over.

– Vi har gjort ein historisk avtale, seier Kvernevik.

For det er saman med Høgre og KrF at Ap har kome til makta i Gloppen.

Mykje takka vere Sp sitt fall på 20 prosentpoeng.

Men det er ikkje berre på Vestlandet og i kommunane Gloppen, Sogndal og Aurland at Sp mistar ordførarkjeda.

I Nordland har det og vore ein kollaps der partiet kan miste 15 ordførarar.

Les også – Blir straffa for ting regjeringa har gjort

Sp tilbake til normalen

Senterpartiet går ned over 10 prosentpoeng i heile 85 kommunar.

Partiet er tilbake på ein oppslutnad på 8,2 prosent nasjonalt etter brakvalet for fire år sidan.

– Med nøkterne auge kan ein seie at dette var eit normalval for partiet, seier valforskar Yngve Flo.

Nedgangen til Senterpartiet blir mykje forklart med korleis partiet har styrt i regjering.

Innføring av lakseskatten og elektrifisering av Melkøya har kosta.

– Senterpartiet har faktisk gjort eit ganske godt val sett i lys av korleis stemninga har vore dei siste månadane, meiner Flo.

Les også Sp mister to av tre velgere i hjemkommunen til partileder Vedum

– Dette har Senterpartiet lukkast med

For sjølv om bølga partiet har ridd på dei siste fire åra no er blitt skylt i land, er det nokre små lyspunkt.

I Stad kommune har partiet fått ordføraren for første gong.

– Det Ap og Sp har lukkast med i dette valet er å gjere valkampen mindre nasjonal og meir lokal, seier Flo og følg opp:

– Hadde dei ikkje klart det, trur eg talet hadde sett enda dårlegare ut.